ÌBÀ

Àgò o àgò o àgò o

Mo júbà kí n tó wolé
Ewúré tó wolé tí ò júbà
Ó di eran àmúso
Àgùtàn tó wolé tí ò júbà
Ó di mímú so

Mo júbà Olódùmarè
Oba nlá, Oba kànkà
Ògbàgbà tí n gba aláilárá
E Wá kín mi léhìn
E Sìn mí lo, sìn mí bò.

Ìbà ẹ̀yin tí Elédùà gbé
ilé ayé lé lọ́wọ́,
mo se ìbà gbogbo obìnrin,
l’ọ́mọdé l’ágbà.
Ẹ̀yin Yèyée wa,
ẹ jẹ́ ó jú mi í se láyé.

Mo sè ìbà ọlọ́kọ̀
t’ó wà mí wá s’áyé,
tí mo mu ọmú àya rẹ̀.
Agbe máa gbóhùn mi re òkun,
alùkò máa gbé ohùn mi re ọ̀sà.

Ẹ̀yin abiamọ ayé,
ẹ̀yin abiamọ ọ̀run,
ẹ wá duro timi
E je kó yẹmí.
E má jé kí n sìse
E má jé kí n sìse

Adédèjì Tawakaltu Adésewà
Akéwì